Las Casas Filipinas de Acuzar

       Hindi makukumpleto ang aming Bataan trip kung hindi namin pupuntahan ang tanyag na “Las Casas Filipinas de Acuzar.” Sabi sa isang artikulo ng isang kilalang pahayagan, ang Las Casas ay galing sa pangarap ng isang arkitekto na si Jerry Acuzar, ang may-ari ng mga lupain sa tabi ng beach na noon pa ay ninais nyang gawin na isang “Historical Village Resort.” Hindi naglaon at natupad ang kanyang pangarap.

       Ang Las Casas ay koleksyon ng mga Bahay na galing sa iba’t ibang sulok ng Pilipinas. Sabi nga sa artikulo, binili sila ni Jerry Acuzar sa kanilang may-ari, o ‘di kaya mga may hawak ng kanilang titulo. Nakatayo ang mga bahay sa kalyeng bato o cobblestone kamukha nang makikita sa Vigan.

 

               si mamang sorbetero at ang kanyang masarap na ube at gabi ice cream.

 

CasaJaen 1 – ito ay nagsilbing residente/bahay ng unang alkalde ng Jaen, Nueva Ecija. Dito namin inantay at kinatagpo ang aming tour guide at dito na rin nagsimula ang aming Las Casas tour. Tinatawag din itong "white house." 

                                   Sa loob at balcony ng White House...

 

       Casa Baliuag 2 – ang bahay na ito ay orihinal na nakatayo sa Baliuag, Bulacan.

 

    




 Eto naman ang loob ng Casa Luna na pagmamay-ari ng prominenteng pamilya ng Namacpacan, La Union. Ang bahay na ito ay itinayo noong 1850 (approx.)

Ang aming nakakaaliw na tour guide habang kami ay inililibot sa loob ng nasabing bahay.

                  

                         Ganyan daw mamalansta noong araw...

                          ang baul...

 

Ang Casa San Miguel (kaliwa) at ang Casa Vyzantina (kanan)

Eto ang kisame na makikita sa loob ng Casa   Vyzantina.

 

 

 

 

        Eto naman ang CasaTondo...

  







Hindi ko na masyadong matandaan kung eto ba ang Casa  Mexico

 

 

 

                                                                            Ang Casa Binan (Alberto House)

Ang nasa larawan ay si Teodora Formoso at ang kanyang esposo na si Don Jose Alberto Alonzo (half-uncle ni Dr. Jose Rizal). Ang bahay na ito ay naging saksi, diumano, sa kataksilan ni Teodora, na sinasabing nagkaroon ng relasyon sa isang guardia sibil. Ayon sa kwento, ang ugnayan/relasyon ni Teodora at ng nasabing guardia sibil ay nabuo habang si Don Jose Alberto ay naglalakbay. Dahil madalas bumiyahe si Don Jose Alberto, madalas na naiiwan mag-isa si Teodora. Nang malaman ito ni Don Lorenzo, ang ama ni Don Jose Alberto, ikinulong nya sa isang silid sa loob ng bahay na ito si  Teodora.

 

 

       Eto naman ang Casa Lubao

Ang Casa Lubao ay ang ancestral house ni Cathy Vitug Gamboa Engstrom. Ang kanyang maternal great grandparents na sina Valentin Arrastia at Francisca Salgado ang nagtayo ng casa na ito sa Lubao, Pampanga noong early 1900s. Ito ay nasa harap mismo ng Lubao Municipal Hall.

 

Noong Ikalawang Digmaang Pandaigdig, ginamit ng mga Hapon ang nasabing bahay bilang garrison. 

 

Eto rin ang nagsilbing tahanan ni Richard Gutierrez sa kanyang teleseryeng "Zorro" na ipinalabas sa GMA 7 Kapuso Network. 

 

 

Ang larawan ay isa sa mga silid sa loob ng Casa Lubao. Ang larawan naman sa ibaba ay ang dining area ng nasabing casa. 

 

                                                         Ang Casa...  hindi ko na matandaan hehe

         Ang Paseo De Escolta ay replica ng typical Escolta buildings sa Maynila noong 1900s. Ang ikalawa at ikatlong palapag nito ay nagsisilbing hotel para sa mga turista habang ang ground floor nito ay tindahan kung saan mabibili ang mga souvenir items.

       Ang Casa Quiapo. Hanggang dito lang maaaring kumuha ng litrato. May iba't ibang imahe sa loob nito. Mayroon ding munting museo sa itaas ng casa.

Marami pa ring instraktura na itinatayo sa Heritage Resort na ito kaya sa malamang babalikan ko ang lugar na ito. Dito rin pala magaganap ang APEC Summit sa susunod na taon (2015).

 

 

    Matapos ang maghapon na paglilibot sa Las Casas, dito naman kami nagpalipas ng gabi...

        at syempre hindi namin palalampasin ang pinong buhangin at malinis na dagat sa resort na ito.. 



 

 

 

Nakilala namin ang isa sa may-ari ng Morning Breeze Resort dahil kailangan namin syang kausapin para sa discount na hinihingi namin. Maayos syang kausap, mabait, mapagpatawa. Nakuha namin ang discount na hininingi namin, may libreng extra bed pa at  higit sa lahat, pinaakyat nya sa puno ng mangga ang isang tauhan nila para lang ibigay sa amin ang ilan sa mga bunga nito, may kasamang bagoong pa... Sa'n ka pa?!  Salamat po! In fairness, halos lahat naman ata ng nakausap/napagtanungan namin pati yung tricycle driver (na doon lang namin nakausap) na naghatid at sundo sa amin sa Las Casas ay mababait at magiliw.